உன் உயிர் வேண்டும் தா

தீபஷ்வினியின்

"உன் உயிர் வேண்டும் தா"

உயிர் 1…

பச்சைப் பசேலென்ற செடி கொடிகள், கண்ணைக் கவரும் வண்ணங்களைக் கொண்ட அழகான பூக்கள் மற்றும் நீர்வீழ்ச்சி என அந்த மலை முகடு இயற்கையின் அழகால் நிறைந்திருக்க, அந்த அழகை வெள்ளை நிற போர்வை கொண்டு மறைப்பது போல் மூடி இருந்த வெண்பனி மேக மூட்டத்தை ரசித்தபடி நின்றிருந்தாள் அவள்.

அவளது பொன் மேனியை குளிர் ஊசியாய் ஊடுருவியதில், சிறு நடுக்கத்துடன், தன் உள்ளங்கைகளை ஒன்றிணைத்துப் பரபரவென்று தேய்த்துச் சூடேற்றி, தன் கன்னத்தில் வைத்து, அதன் வெதுவெதுப்பை ரசித்து உள்

...