கனக்கும் மேகங்கள்

நந்தினி சுகுமாரன்

COPYRIGHT @ 2022 நந்தினி சுகுமாரன்.

 

1

கோவில் நகரமாம் மதுரையோடு இணைந்த ஒரு கிராமம்..

பறவைகள் அனைத்தும் இரைத்தேடிக் களைத்துக் கூடு திரும்புகின்ற மாலை நேரம். புவியின் பெரும்பாலான உயிரினங்களுக்கு, ஒரு நாளைய முடிவு என்பது அத்தருணம் தான்!

அதற்குத் தாங்களும் விதிவிலக்கு இல்லை என்பதாய், கல்லூரி நேரம் முடிந்ததும் அன்றைய கடமையைச் செய்துவிட்ட மகிழ்ச்சியில் வெளியேறிக் கொண்டிருந்தனர், அந்தப் பெண்கள் கல்லூரியின் மாணவிகள்.

அதுவரை அமைதிக் காத்திருந்த கல்லூரி வாயில், பெண்களின்

...