உன் மோகனத்தில் மயங்குகிறேன் கண்ணா..!

அத்தியாயம் 1 ஹாஸ்பிடல் வளாகத்தில் தளர்ந்த நடையுடன் ஆதவிஶ்ரீ மேடிட்ட தனது வயிற்றினைத் தடவிக் கொண்டே, ஆறு மாத சிசுவின் பரிசோதனைகளை எல்லாம் முடித்து விட்டு நடந்து வரும்போது, அவளைப் போலவே சில மாதர்கள் பிறக்கப்போகும் தங்களின் மகவுக்காக பரிசோதனை செய்ய அங்குள்ள நாற்காலிகளில் அமர முடியாமல் அமர்ந்து காத்துக் கொண்டிருந்தனர். ஆனால் ஆதவிஶ்ரீயின் கண்ணில் பட்டதென்னவோ, அவர்களின் கைகளை நிறைத்திருந்த வண்ண வண்ண வளையல்கள் தான். மேனியை உறுத்தாத காட்டன் புடவையை அணிந்திருந்தவளுக்கு தன் கைகள் வெறுமையுடன் இருப்பதைக்...