உறவென்று சொன்னால் நீதானே

காஞ்சனா அன்புசெல்வம்

உறவென்று சொன்னால் நீதானே

உறவு 1

கோவை எக்ஸ்பிரஸ், யாருக்கும் அடங்காமல் அந்த நீண்ட பெரிய தண்டவாளத்தில் கோவையை நோக்கி ஓடிக் கொண்டிருந்தது. அந்த இரவு நிசப்தத்தையும் கிழித்துக்கொண்டு சென்று கொண்டிருந்த அந்தத் தொடர்வண்டியில் முதல் வகுப்பு பெட்டியில் அமைதியாக அமர்ந்திருந்தாள் இருபது வயது பாவை அவள். கடந்து போகும் எவரும் ஒரு நிமிடம் பார்த்து ரசித்து விட்டு போகும் அழகு அவளுடையது.

தொடர்வண்டி பிரயாணத்திற்கு ஏற்றார் போல் நீல வண்ண சுடிதார் அணிந்து கருநீல வண்ண துப்பட்டாவை மேலே போர்த்திக் கொண

...