மாற்றம் தந்த மாருதம் நீயடி

மாற்றம்-1 சென்னை வெயிலில் வழக்கம் போல அனைவரும் வெந்து செத்துக் கொண்டிருக்க, அந்த பிரமாண்டமான அறையில் பொருத்தப்பட்டிருந்த விலையுயர்ந்த குளிரூட்டி அங்கிருந்தவர்களை ஆதவனின் ஆளுகையிலிருந்து காப்பாற்றிக் கொண்டிருந்தது. என்ன தான் அவர்களை சில்லென்று வைத்திருக்க வேண்டி அது தன் பணியை செவ்வனே செய்தாலும் அங்கே இருந்த ஒவ்வொருவரின் மனதிலும் இருந்த வெம்மையை குறைக்க இயலவில்லை. அந்த அறையை நிறைத்திருந்த செய்தியாளர்கள் இன்னும் சில நிமிடங்களில் அங்கே வருகை தரவிருக்கும் ஒருவனை எண்ணி பயம் கலந்த படபடப்பில்...