சியோலின் இதயம்... மதுரையின் சுவாசம்..."

தென்கொரியாவின் சியோல் மாநகரம். இரவு எட்டு மணி. அந்தப் பெருநகரமே அன்று ஒரு மின்சாரப் பிழம்பாகக் காட்சியளித்தது. 'சியோல் ஒலிம்பிக் ஸ்டேடியம்' ஒரு போர் முனையைப் போலத் தகித்துக் கொண்டிருந்தது. ஒரு லட்சம் ரசிகர்களின் கைகளில் இருந்த '라이트 스틱' (Light sticks) நீல நிறக் கடலைப் போல அலைமோதின. ஸ்டேடியத்தின் ஒவ்வொரு அங்குலத்திலும் ஒரே ஒரு பெயர் தான் இடியென முழங்கியது. "ஜி-ஹூன்...! ஜி-ஹூன்...! ஜி-ஹூன்...!" அந்தப் பெயருக்குச் சொந்தக்காரன், தென் கொரியாவின் ஈடு இணையற்ற சூப்பர் ஸ்டார். இருபத்தி நான்கு வயதே ஆன...