About

குடும்பம் என்ற பெயரில் கட்டாயப்படுத்தப்படும் உறவுகள்… காதல் என்ற பெயரில் தாங்கப்படும் வேதனைகள்… பெண்ணின் மனசு எவ்வளவு உடைந்தாலும் அவள் சுமக்கும் பொறுப்பு… ஒரு பெண்ணின் உள்ளம் ஏன் தகிக்கிறது என்ற கதையிது.

அத்தியாயம் - 1 திருத்தணியில் உதித்தருளும் ஒருத்தன் மலை விருத்தன் எனது உளத்தில் உறை கருத்தன் மயில் நடத்து குகன் வேலே என்ற வேல்மாறல் பாடலை உள்ளம் துதிக்க மனம் உருகி பாடி முடித்தார் கற்பகம். அந்நேரம் அவரின் சிந்தனை முழுவதும் தமிழ்கடவுளான முருகப்பெருமானே நிறைந்திருந்தார். பக்தி பரவசம் அவரை முழுவதும் ஆட்கொண்டதில் விழிகளில் கண்ணீர்ப்பெருக்கு கரைபுரண்டோடியது. அச்சமயம் அவரின் மகள் ராதிகா துணிகள் அடங்கிய பையுடன் வீட்டினுள் நுழைந்திட, அவளுக்கெதிரே வந்த அவளின் தம்பியான குமரன் "என்னக்கா என்ன கோலம் இது.?"...