பூந்தளிர் ஆட...

ஸ்ரீநவீ

தேனி மாவட்டம் அல்லி நகரத்தின் அந்த மத்திமவர்க்க வீட்டில் மகேந்திரா வேன் அமைதியாக வந்து நின்றது. வாகனத்தில் இருந்து நண்டு சிண்டு, பெரியவர் சிறியவர் என இருபதுக்கும் மேற்பட்டோர் கீழே இறங்கி தங்களை ஆசுவாசப்படுத்திக் கொண்டனர்.

“பெருமாளே, நல்லபடியா கொண்டு வந்து இறக்கிட்ட, இதே போல நாம வந்த காரியமும் சுபமா முடிய அருள் செய்யப்பா!” முணுமுணுப்புடன் வேண்டுதலை வைத்துக்கொண்டே இறங்கினார் மனோன்மணி.

வேனில் வந்திறங்கிய கூட்டத்தின் மூத்த பெண்மணி. எழுபதைத் தொட்ட அந்த முதியவரின் உருவமும் குர

...