மறைத்த முகத்திரை திறப்பாயோ...

முகத்திரை..... 1 சீக்கிரம் வாடி, என தனது காதலியின் கையை பிடித்து இழுத்து கொண்டு ஓடினான் கணேஷ்... என்னால முடியலங்க, மூச்சு வாங்குது என சங்கரி அவன் கையிலிருந்து தன் கையை உருவிக் கொண்டவள்..மூச்சு வாங்கிய படி அங்கேயே உட்கார்ந்து விட்டாள்.. சுற்றிலும் கும்மிருட்டு, நிலவு மகளே அவர்கள் ஓடி ஒளிய உதவி செய்வதற்காக தன்னை மேகத்திற்குள் மறைத்து கொண்டாள் போலும்... அவள் அருகே அமர்ந்தவன், இங்க பாரு பொழுது புலர போது, முத ட்ரெயின் போயிட்டுனா, பிறவு விடிஞ்சா தான் மறு வண்டி வரும்.. அதுக்குள்ள இந்த ஊருக்காரானுவ...