ஏழு ஜென்மமாய் எனை ஆள வந்தாயோ...?

அவள் உள்ளே நுழைந்ததும் சாளரத்தின் வழியே வானத்தை பார்த்தபடி இருந்தவன் திரும்பினான். கனி திரும்பி கதவை தாழ் போட்டவள் அதன் மீதே சாய்ந்து நின்று தலை சாய்த்து அவனை நோக்க, அந்த பார்வையிலே தொலைந்து போனவன், “என்ன?” என்று சிரிப்புடன் புருவத்தை உயர்த்த, “பார்த்தீபா…” என்று குரலில் மொத்த காதலை சேர்த்து அழைத்தவள் கையை அவனை நோக்கி விரிக்க, அதில் முழுவதுமாக தடுமாறியவன், “என்னடி?” என்று சிரிப்பும் முறைப்புமாக வினவ, “எடுத்துக்கோ…” என்று காற்றுக்கும் கேட்காத குரலில் மொழிய, “ஹான்” என்றவன் கேட்காத பாவனையில