முல்லை நிகர் புன்னகை

முல்லை நிகர் புன்னகை:

புன்னகை 1:

பக்கம் பக்கமாய்

பேசிய பொழுதுகள் எல்லாம்

பக்கம் நின்று

தொல்லை செய்கிறது

பார்வையில் இருந்து

நீ விலகிய நொடிகளில்…!

"வல்லா உன்னை எச்.ஓ.டி கூப்பிட்றாராம்" என்ற மதனின் குரலில் கையில் கூடைப் பந்தை வைத்து விளையாடி கொண்டிருந்தவனின் இயக்கம் தடைபெற திரும்பி பார்த்தான்.

அவன் வல்லபன் சக்கரவர்த்தி.‌ விளையாட்டு உடையில் இருந்தவனது தேகம் வெயிலின் தாக்கத்தால் வியர்வையில் தொப்பலாக நனைந்திருந்தது.

"எதுக்கு?" என்று வினவியபடி நெற்றியில் வடிந்த வியர்வையை வழித்தெறிந்தான்.

"தெரியலை ஆனால் ஏதோ

...