காதல் சதிராட்டம்

அத்தியாயம் - 1

அது ஒரு ஏகாந்த காலை. அந்த வானம் தன் இடையினில் உடுத்தியிருந்த கருப்புநிற தாவணியை கலைந்து, நீலவண்ணச் சேலையை அணிந்து கொண்டிருந்தது.

பறவை கூட்டங்கள் ஒலி எழுப்பிக் கொண்டே, சந்தோஷ சிறகசைப்புடன் அந்த கடலை கடந்து கொண்டிருந்தன. எழுந்தான் செங்கதிரோன், அவன் திசைப்பட்ட இடம் எல்லாம் விழுந்தது தங்கத்தூறல்.

வெளியெல்லாம் ஒளியின் வீச்சு. அந்த இயற்கை பல மாயா ஜாலங்களை செய்து கொண்டு இருந்தது. ஆனால் அந்த பழைய இயற்கை செய்யும் புதுக்காட்சியை ரசிக்க முடியாமல் அந்த கடலையே வெறித்து கொண

...