என் அன்பின் மொழி நீயடா

அத்தியாயம் - 01

"டேய்! கையை எடுடா நாயே!"

அந்தக் கத்தல் தூய யாழ்ப்பாணத் தமிழில், ஒரு பத்து வயதுச் சிறுவனின் தொண்டையிலிருந்து அத்தனை ஆக்ரோஷமாகப் புறப்பட்டு, அந்தப் பிரெஞ்சு வகுப்பறையின் அமைதியைக் கிழித்தெறிந்தது.

ஆன்சி நகரின் மையப்பகுதியில் அமைந்திருந்த ஒரு அரசுப் பள்ளியின் CM1 (நான்காம் வகுப்பு) வகுப்பறையின் வலது மூலையில், மேசைகளும் நாற்காலிகளும் சரியும் சத்தம் கேட்ட அடுத்த நொடி, கப்ரியல் தன் பேனாவை அப்படியே போட்டுவிட்டுத் துள்ளி எழுந்தான்.

அங்கே, யன்னலோர இருக்கையில் அமர்ந்திருந்த அருண், சக மாண

...