உனக்காக மீண்டும் வாழ்கிறேன்

About

ஒரே விபத்தில் தன் கணவனையும், ஒரு மாதமே ஆன தன் குழந்தையையும் இழந்து வாழ்க்கையே முடிந்துவிட்டதாக மருத்துவமனையில் உறைந்து நிற்கிறாள் பவித்ரா.

அதே மருத்துவமனையில் ஒரு பெரும் தொழில் சாம்ராஜ்யத்தின் வாரிசுக்கு அழகான பெண் குழந்தை பிறக்கிறது. ஆனால் குழந்தையைப் பெற்ற அடுத்த சில நொடிகளிலேயே அதன் தாய் உயிரிழக்கிறாள்.

அவர்களின் நினைவுகளை நெஞ்சில் சுமந்தபடியே, ஒரு குழந்தைக்காக மீண்டும் வாழத் தொடங்கும் இரண்டு உடைந்த இதயங்களின் கதை.

❤️ உனக்காக மீண்டும் வாழ்கிறேன் ❤️

அந்த மருத்துவமனையின் அவசர சிகிச்சைப் பிரிவுக்கு வெளியே இருந்த நீளமான நடைபாதையில் பவித்ரா எவ்வளவு நேரமாக அமர்ந்திருக்கிறாள் என்று அவளுக்கே தெரியவில்லை. சுவரில் இருந்த கடிகாரத்தின் முள் நகர்ந்துகொண்டுதான் இருந்தது. செவிலியர்கள் அவசரமாக அங்கும் இங்கும் நடந்துகொண்டிருந்தார்கள். எங்கோ ஒரு குழந்தையின் அழுகை, இன்னொரு பக்கம் உறவினர்களின் பதற்றமான குரல்கள், அவ்வப்போது திறந்து மூடும் கதவுகளின் சத்தம் என்று அந்த மருத்துவமனை வழக்கம்போல இயங்கிக்கொண்டிருந்தது. ஆனால் பவித்ராவுக்கு மட்டும் உலகமே...