மாப்பிள்ளை வந்த நேரம்

சரவணன் வாழ்ந்த அந்தச் சிறிய வீட்டில் அன்று அதிகாலை ஐந்து மணிக்கே பரபரப்பு ஆரம்பமாகிவிட்டது. வழக்கமாக ஏழரை மணிக்கு அலாரம் அடித்து, எட்டு மணிக்கு அதைப் பார்த்து, எட்டரை மணிக்கு எழுந்திருக்க வேண்டுமென்று முடிவெடுத்து, ஒன்பது மணிக்கு எழுந்திருப்பவன் சரவணன். ஆனால் அன்று அவனுடைய கண்கள் நான்கு மணிக்கே திறந்துவிட்டன. அவன் விழித்ததும் முதலில் பார்த்தது சுவரில் தொங்கியிருந்த நாள்காட்டியை அல்ல. தனது முகத்தைத்தான். படுக்கைக்கு எதிரில் இருந்த கண்ணாடியில் அவன் தலை மட்டும் தெரிந்தது. இரவு முழுவதும்...