விழியோர மௌனங்கள்

விழியோர மௌனங்கள்

அத்தியாயம் 1: அரண்மனை அந்தப்புரத்து அனல்

மாலை நேரத்துச் சூரியன், மேற்குத் தொடர்ச்சி மலையின் மடியில் மெல்லச் சாய்ந்து கொண்டிருந்தான். அந்தி வானம் செவ்வானமாய் உருகி வழிய, அதன் பொன்னிறக் கதிர்கள் ‘வர்மபுரத்து அரண்மனையின்’ உச்சாணிக் கோபுரக் கலசங்களின் மேல் பட்டுத் தகதகவென மின்னிக் கொண்டிருந்தன.

சுமார் நூற்று ஐம்பது ஆண்டுகள் பழமை வாய்ந்த அந்த பிரம்மாண்ட அரண்மனை, காலத்தின் மாற்றங்களை மௌனமாகப் பார்த்தபடி கம்பீரமாக வீற்றிருந்தது. தேக்கு மரத்தாலான பிரம்மாண்ட வாசல்களும், அதில் நு

...